کارمەندی هیچ کۆمپانیایێکی نەوتی لە هەرێم ناکێشتەوە
بەشی عێراق و هەرێمی کوردستان- كشانەوەی كارمەندانی كۆمپانیایێكی نەوتی لە عێراق، كاردانەوەی لێدەكەوێتەوە و ئەندامێكی لیژنەی نەوت و وزە لە ئەنجومەنی نوێنەرانیش، هۆكارەكەی ئاشكرا دەكات و راشیدەگەیەنێت: هیچ كۆمپانیایێكی بواری نەوت لە هەرێمی كوردستان ناكشێتەوە.
کوردپرێس:
غالب محەمەد، ئەندامی لیژنەی نەوت و وزە لەئەنجومەنی نوێنەرانی عێراق، بە SNNی ڕاگەیاند: بڕیاری كشانەوەی كارمەندە بیانییەكانی كۆمپانیای "ئیكسۆن مۆبیل"ی ئەمریكی، كە لە كێڵگەیێكی نەوتی بەسڕە كاردەكات، بەهۆی مەسەلەی ئەمنییەوە بووە و پڵوەندیی بە هەرێمەوە نیە.
بەوتەی ئەو پەرلەمانتارە، بڕیارەكەی كۆمپانیای ئیكسۆن مۆبیل، كاریگەریی لەسەر كۆمپانیا بیانییەكانی نەوت نابێت كە لە هەرێمی كوردستان كار دەكەن و ئەوان بڕیاری لەو شێوەیە نادەن و كارمەندەكانیان لە كێڵگە نەوتییەكانی هەرێم ناكشێننەوە.
غالب محەمەد ئاماژەی بەوەش كرد، بەهۆی ئەو ململانێیەی كە لەنێوان ئێران و ئەمریكادا هەیە، دواجار هەردوو وڵات و تەواوی ناوچەكە زەرەرمەند دەبن و سەقامگیریی نەوتی نامێنێت، ئەوەش وادەكات نرخی نەوت جارێكی دیكە بەرزبێتەوە.
بۆچوونی بەکارهێنەران