بەغدا هێزى زیاتر ڕەوانەى کەرکووک دەکات
بەشی عێراق و هەرێمی کوردستان- بەهۆى زیادبوونى جموجوڵەکانى چەکدارانى داعش لە سنوورەکە دوو لیواى دیکەى پۆلیسی فیدڕاڵى عێراق ڕەوانەى کەرکوک کراون.
کوردپرێس: کەناڵی ئێن ئاڕ تى لە ڕاپۆرتێکدا ڕایگەیاند ئەو دوو لیوایە هاتوونەتە بەشى خوارووى پارێزگاى کەرکووک و بە وتەى فەرماندە سەربازییەکانیشیان ئامانجیان پاراستنى گوند و ناحیە و ناوچەکانى دەوروبەری پارێزگاى کەرکووکە.
ناردنى ئەو دوو لیوایە دواى ئەوە هات لە ماوەى ئەم هەفتەیەدا و لە دوو هێرشى چەکدارانى داعش لە سنوورى کەرکووک ٧ کارمەندى هێزە ئەمنیەکان کوژراون کە چواریان ئەفسەرن.
سەرەتاى ئەم مانگەش هێزە ئەمنییەکانى عێراق ئۆپراسیۆنێکیان لە باشوور و خۆرئاواى سنوورەکانى کەرکووک دەستپێکرد بۆ لەناوبردنى پاشماوەکانى چەکدارانى داعش.
ماوەیێکە لە بەشى ڕۆژئاوا و باشوورى کەرکووک جموجوڵى چەکدارانى داعش زیادیان کردووە، ئەوەش مەترسی لەسەر هاوڵاتییانى سنوورەکە دروست کردووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران