ڕێکخەری ڕاسپاردە نێودەوڵەتییەکان لە حکوومەتی هەرێم:
تائێستا نزیکەی سێ هەزار هاوڵاتی ئێزدی بێسەروشوێنن
بەشی عێراق و هەرێمی کوردستان- ڕێکخەری ڕاسپاردە نێودەوڵەتییەکان لە حکوومەتی هەرێم ڕایگەیاند، لە کۆی شەش هەزار و ٢٨٤ هاوڵاتی ئێزدی کە لەلایەن داعشەوە ڕفێنراون، تا ئێستا نزیکەى سێ هەزاریان ڕزگارنەکراون.
کوردپرێس:
بەپێی ئەو هەواڵەی تەلەڤزیۆنی ئێن ئاڕ تی بڵاوی کردۆتەوە دیندار زێباری ڕێکخەری ڕاسپاردە نێودەوڵەتییەکان لە حکوومەتی هەرێم لە ڕاگەیەندراوێکدا ئاماژەی بەوە کردووە، تا ئێستا سێ هەزار و ٣٧١ ڕفێنراوى ئێزدى لەدەستى داعش ڕزگارکراون و دوو هەزار و ٩١٣ کەسیش بێسەروشوێنن.
بە وتەى زێبارى پاش هاتنی حەشدی شەعبی و هەروەها بوونی پەکەکە و دروستبوونی شەڕ و پێکدادان لەو ناوچەیە، نزیکەی ٨٠٠ خێزان لە شنگالەوە گەڕاونەتەوە کەمپەکانی دهۆک.
ئەمە لە کاتێکدایە مانگی ئابی ٢٠١٤ و لەکاتی هێرشی ڕێکخراوی داعش بۆ سەر شنگال و ناوچەکانی دەورووبەری، شەش ھەزار و ٢٨٤ کوردی ئێزدی رفێندران.
بۆچوونی بەکارهێنەران