بەهۆی لابردنی باج و رسوومات هاتوچۆ لە مەرزی باشماخ زیادی کردووە
بەشی عێراق و هەرێمی کوردستان- بەهۆی كەمبوونەوەی وەرگرتنی پارەی ڤیزای ئەلیكترۆنی لە گەشتیارانی هەرێم و لابردنی رسوومات لەسەر گەشتیارانی ئێران لە ماوەی مانگێک زیاتر لە 105 هەزار گەشتیار لە رێی مەرزی نێودەوڵەتیی باشماخەوە، چوونەتە هەرێمی كوردستان و سەردانی شارەكانی ئێرانیان کردووە.
بەپێی هەواڵی کوردپرێس، مەریوان كەریم بەرپرسی هۆبەی راگەیاندن و پێوەندییەكانی مەرزی نێودەوڵەتیی باشماخ بە وشە-ی راگەیاندووە: دوای رێككەوتنی هەردوو حكوومەتی عێراق و ئێران، لەسەر لابردنی ئەو رسووماتەی لە گەشتیارانی ئێرانی وەردەگیرا، هاوكات كەمبوونەوەی پارەی وەرگرتنی ڤیزای ئەلیكترۆنی لە گەشتیارانی هەرێم كە دەچنە ئێران، بە رێژەیێكی بەرچاو هاتن و چوونی گەشتیاران لە مەرزی باشماخەوە زیادی كردووە.
ناوبراو زیاتر گوتی: ئەو بڕیارە كاریگەرییێكی زۆری هەبووە، چوونكە بەپێی ئاماری بنكەی نیشینگەی باشماخ لە ماوەی مانگی نیساندا 44 هەزار و 618 گەشتیاری ئێرانی سەردانی عێراقیان کردووە، هەروەها 45 هەزار و 487 گەشتیاری هەرێمیش چوونەتە ئێران.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران