لە گەرمیان مین و تەقەمەنیی سەردەمی شەڕی عێراق و ئێران لەناو بران
بەشی عێراق و هەرێمی کوردستان- لە سنووری ئیدارەی گەرمیان، دەیان پارچە مین و تەقەمەنیی سەردەمی شەڕی نێوان عێراق و ئێران لەناو بران.
کوردپرێس: بەپێی ڕاگەیێندراوێكی ئیدارەی گەرمیان تیمە پسپۆڕەكانی بەڕێوەبەرایەتیی گشتیی مین لە گەرمیان، توانیان دەیان پارچە مین و تەقەمەنی لە سنووری گەرمیان بدۆزنەوە و لەناویان ببەن.
لە راگەیێندراوەكەدا ئاماژەی بۆ ئەوەش كراوە، ئەو تەقەمەنیانە بریتی بوون لە چەندین مینی دژە كەسی و ڤاڵمارا كە لە یەكێک لە گێڵگە مینەكانی سنووری گوندی عەلی میر لە شارەدێی "قۆرەتوو"ی سەر بە گەرمیان دۆزرابووەوە، هەروەها 47 پارچە تەقەمەنیی جۆراوجۆر لە ناوچە جیاجیاكانی گەرمیان كۆ كرانەوە و زۆرینەی ئەو مین و تەقەمنییانە بەجێماوی سەردەمی شەڕی نێوان عێراق و ئێران بوون و لە ناوچەكە سنوورییەكان دۆزرانەوە و لەناو براون".
سەرچاوە: باسنیووز
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران