حه‌وت چه‌كداری داعش له نه‌ینه‌وا ده‌ستگیر كران
کوردپرێس:
شانه‌ی هه‌واڵگریی سه‌ر به وه‌زاره‌تی به‌رگریی عێراق له ڕاگه‌یێندراوێکدا باسی له‌وه کردووه: "هێزێكی ئاسمانی به پشتیوانیی هێزه‌كانی هاوپه‌یمانێتیی نێوده‌وڵه‌تیی دژ به ڕێكخراوی داعش حه‌وت تیرۆریستی سه‌ر به ڕێكخراوه‌كه‌یان له كۆمه‌ڵگه‌ی سه‌گار سه‌ر به قه‌زای به‌عاج له خۆڕئاوای پارێزگای نه‌ینه‌وا ده‌ستگیر كردووه".
له ڕاگه‌یێندراوه‌که‌دا هاتووه: هه‌ر حه‌وت چه‌كداره‌كه پێشتر به تۆمه‌تی گواستنه‌وه‌ی ئه‌ندامانی داعش له نێوان سووریا و عێراق فه‌رمانی ده‌ستگیركردنیان بۆ ده‌ركرابوو بێ ئه‌وه‌ی زانیاریی زیاتر له‌وباره‌یه‌وه بخرێته‌ڕوو.
شایانی باسه؛ دوای ده‌نگۆی هه‌ڵاتنی ژماره‌یێكی زۆر له چه‌كدارانی ڕێكخراوی داعش له سووریاوه بۆ ناو عێراق به‌مدواییانه جموجووڵی ڕێكخراوه‌كه له ناوچه سنوورییه‌كان له‌گه‌ڵ سووریا زیادی كردووه.
ئه‌م هه‌واڵه له میدیاکانی هه‌رێمی کوردستان وه‌رگیراوه
کۆدی هه‌واڵنێر: 60103
بۆچوونی بەکارهێنەران