ئەنجومەنی ناوەندیی پارتی نەتەوەپەرەستی تورکیا:
تا کۆتایی ساڵی 2023 پشتگیریی تەواومان لە سیستەمی سەرۆک کۆماری لە تورکیا درێژەی دەبێت
بەشی تورکیا- ئەنجومەنی ناوەندیی پارتی نەتەوەپەرەستی تورکیا (مەهەپە) پاش بەڕێوەبردنی کۆبوونەوەیێک بە دەر کردنی بەیاننامەیێک هەموو ئەو ئیدیعایانەی ڕەت کردەوە کە گوایا هاوپەیمانێتیی نێوان ئەم حزبە و پارتی داد و گەشە کۆتایی پێهاتووە و ڕایگەیاند: تا کۆتایی ساڵی 2023 پشتگیریی تەواومان لە سیستەمی سەرۆک کۆماری درێژەی دەبێت.
بەپێی هەواڵی کوردپرێس، ئەنجومەنی ناوەندیی پارتی نەتەوەپەرەستی تورکیا لە بەیاننامەکەیدا ڕایدەگەیێنێت: هەوڵ بۆ دروست کردنی بیرۆکەیێک دەرێت کە هاوپەیمانێتیی نێوان مەهەپە و ئاکپارتی ناگاتە 2023. ئەمەش لەلایەن جەماعەتی گولەن و سەرکردەکانیانەوە بڵاوەی پێدەکرێت و هەوڵ ئەدەن هاوپەیمانێتی کۆمار لە ناوبرن.
لە درێژەدا هاتووە: هاوپەیمانێتیی کۆمار لە تەندروستیی تەواودا درێژە بە ڕێگاکەی دەدات و بۆ ئەمەی کە سیستەمی سەرۆکایەتیی کۆمار بە هەموو پێکهاتەکانییەوە لە تورکیا جێگیر بکرێت و تا کۆتایی ساڵی 2023 پشتگیریی تەواومان لە سیستەمی سەرۆک کۆماری درێژەی دەبێت.
سەرچاوە: هابر 7
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران