ئەبووبەکر بەغدادی هەوڵی گەڕانەوە بۆ عێراق دەدات
بەشی عێراق و هەرێمی کوردستان- سەرچاوەیێکی عێراقی ئاشکرای دەکات سەرکردەی گرووپی تیرۆریستیی داعش هەوڵ ئەدات لە سووریاوە بگەڕێتەوە بۆ عێراق.
بەپێی هەواڵی کوردپرێس، پاشنیوەڕۆی ئەمڕۆ شەممە سەرچاوەیێکی عێراقی بە هەواڵدەریی ئاڕتی-ی ڕووسیای وت: بەگوێرەی ئەو زانیارییانەی کە لە نزیکانی بەغدادیەوە دەسکەوتوون ناوبراو خەریکی داڕشتنی پلانێکە بۆ گەڕانەوەی دووبارە بۆ خاکی عێراق.
سەرچاوەکە لەمبارەوە زیاتر وتی: چەندین هەفتەیە بەغدادی هەوڵ ئەدات داخڵی عێراق ببێتەوە بەڵام ڕووبەڕووی ڕێوشوێنی توندی ئەمنی لە سنوورە هاوبەشەکانی نێوان سوریای عێراق دەبێتەوە.
سەرچاوەکە کە نەیویست ناوی بدرکێندرێت زیادی کرد: بەغدادی ئێستا لە چیاکانی ئەبووڕەجمین سەربە ناوچەی تدمری سووریادایە و جگە لە چەند کەس لە نزیکانی عێراقی و سعوودی و توونسی کەسی لەگەڵدا نەماوە.
ئەم سەرچاوەیە دەڵێت بەغدادی بەهۆی نەبوونی لایەنگر لە سووریا بۆ عێراق دەگەڕێتەوە بەڵکوو دووبارە هۆگرەکانی کۆ بکاتەوە و پشتیان پێ ببەستێت.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران