سەرۆکی یەکەی پەیوەندییەکانی سەرۆکایەتی کۆماری تورکیا:
دەوڵەت تۆڵە لە پەکەکە و یارمەتیدەرەکانی دەسێنێتەوە
بەشی تورکیا- فەخرەدین ئاڵتون سەرۆکی یەکەی پەیوەندییەکانی سەرۆکایەتی کۆماری تورکیا لە پەیامێکدا ئاماژەی دا بە کوژرانی 4 سەربازی تورکیا بەهۆی هێرشی پەکەکە و ڕایگەیاند: دەوڵەت تۆڵە لە پەکەکە و یارمەتیدەرەکانی دەسێنێتەوە.
بەپێی هەواڵی کوردپرێس، لە پەیامێکی تویتەریدا فەخرەدین ئاڵتون سەرۆکی یەکەی پەیوەندییەکانی سەرۆکایەتی کۆماری تورکیا لەبارەی کوژرانی 4 سەربازی تورکیا لەلایەن پەکەکە-وە نووسی: "ئەمڕۆ چوار شەهیدی خۆمان ناشت. ئارهام چیاپول 22 ساڵان، موراد شاهین 25 ساڵان، یێنەر کریکچی 26 ساڵان و شەوکەت چتین 27 ساڵان، لەبیرمان ناچێتەوە".
ناوبراو لە پەیامەکەیدا جەخت دەکاتەوە: "دەوڵەتەکەمان لە گرووپی تیرۆریستیی پەکەکە و لایەنگرانی و ئەوانەی کە یارمەتییان دەدەن تۆڵە دەسێنێتەوە. دەوڵەت بۆ هەمیشە دەمێنێت".
سەرچاوە: هەواڵدەریی هابر7
کۆدی هەواڵنێر: 60113
بۆچوونی بەکارهێنەران