مەسعوود بارزانی بۆ بەشداری كردن لە كۆڕبەندی ساڵانەی ئابووری گەییشتە شانشینی ئۆردۆن
بەشی عێراق و هەرێمی کوردستان- لەسەر بانگهێشتی فەرمیی شا عەبدوڵڵا پاشای ئۆردۆن و بە مەبەستی بەشداری كردن لە كۆڕبەندی ساڵانەی ئابووری لە بەحر ئەلمەیت مەسعوود بارزانی گەییشتە عەممانی پایتەختی شانشینی ئۆردۆن.
کوردپرێس:
ڕۆژی هەینی 5ـی 4ـی 2019 لەسەر بانگهێشتی فەرمیی شا عەبدوڵڵا پاشای ئۆردۆن و بە مەبەستی بەشداریكردن لە كۆڕبەندی ساڵانەی ئابووریی لە بەحر ئەلمەیت مەسعوود بارزانی سەرۆکی پارتی دیموکراتی کوردستان بە یاوەریی شاندێك كە پێكهاتووە لە فازڵ میرانی سكرتێری پارتی دیموكراتی كوردستان و فەلاح مستەفا بەرپرسی فەرمانگەی پەیوەندییەكانی حكوومەتی هەرێم، گەییشتە عەممانی پایتەختی شانشینی ئۆردۆن و لە فڕۆكەخانەی عەممان لە لایەن ئەمیر فەیسەڵ بن حوسەین برای پاشای ئۆردۆن پێشوازیی لێ كرا.
کۆدی هەواڵنێر: 60101
لە ماڵپەڕی فەرمیی پارتی دیموکراتی کوردستان وەرگیراوە
بۆچوونی بەکارهێنەران