فڕۆکە جەنگییەکانى تورکیان دەڤەری برادۆست-یان بۆردومان کرد
بەشی عێراق و هەرێمی کوردستان- ئەمڕۆ جارێکی دیکە فڕۆکە جەنگییەکانى تورکیا گوندەکانی ھەرێمی برادۆست-یان بۆردومان کرد.
کوردپرێس:
بەپێی فورات نیوز بەیانی ئەمڕۆ سێشەممە 2ی4ی2019 فڕۆکە جەنگییەکانى سوپاى تورکیا بۆردومانی ناوچەکانى مەرەمەلا و پونگستا و دەراوی-یان کرد و زیانێکى زۆریان بە ژینگە و سروشتى ناوچەکە گەیاند.
بۆردومانى فڕۆکە جەنگییەکانى تورکیا بۆ ماوەى کاتژمێر و نیوێک بەردەوامیى هەبووە و فڕۆکە جەنگییەکان بۆ ماوەى پێنج کاتژمێریش بە ئاسمانى ناوچەکەدا سوڕانەوە.
لە هەرێمى برادۆست بەهۆی بۆردومانى بەردەوامى فڕۆکە جەنگییەکانى دەوڵەتى تورکیاوە زیاتر له 150 گوند و ئاوایی ئەو سنورە ئاوەدان نەکراونەتەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران