هاوسەرۆکی هەدەپە:
وەزارەتی دادی تورکیا پێبەندی یاساکانی خۆی ببێت
بەشی تورکیا- سزای تەمەڵی هاوسەرۆکی پارتی دیموکراتیکی گەلان لە وتەکانیدا ئاماژەی دا بە مانگرتنەکان لە تورکیا و وەزارەتی دادی ئەو وڵاتەی کردە بەردەنگ و وتی: پێبەندی یاساکانی خۆتان ببن.
بەپێی هەواڵی کوردپرێس، سزای تەمەڵی هاوسەرۆکی هەدەپە دەڵێت: زیاتر لە 300 زیندانی لە زیندانەکانی تورکیا و دیکەی شوێنەکانی جیهاندا دەستیان داوەتە مانگرتن لە خواردن. ئەوان تەنها خوازیاری کۆتایی هێنان بە نادادپەروەری و بشێوەن. دەیانهەوێت ئوجالان مافی دیتنی بنەماڵە و پارێزەرەکانی پێبدرێت. ئەمە مافێکی ڕەوایە، لێرەوە پەیامێکم بۆ وەزارەتی دادی تورکیا هەیە: پێبەندی یاساکانی خۆتان ببن.
ناوبراو لەبارەی دیاری کردنی قەییم بۆ شارەوانییەکانی پارێزگاکانی تورکیا وتی: بۆ بەرەنگاربوونەوە لەگەڵ نادادپەروەری و بشێوە پشت بەیەکتر دەبەستین. ئێمە دەیان بەڵگەمان بەدەستۆیە لە گەندەڵیی شارەوانییەکان، قەیمەکان هەموو شارەوانییەکانیان قەرزدار کردووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران