کۆبوونەوەى ئەنجومەنى پارێزگاى کەرکووک بۆ کاتێکى نادیار دواخراوە
بەشی عێراق و هەرێمی کوردستان- هەرچەندە بڕیاربوو ئەمڕۆ کۆبوونەوەى ئەنجومەنى پارێزگاى کەرکووک بەڕێوە بچێت بەڵام کۆبوونەوەکە بۆ کاتێکى نادیار دواخراوە.
بەپێی هەواڵی کوردپرێس، جوان حەسەن ئەندامى ئەنجومەنى پارێزگاى کەرکووک بە ئێن ئاڕ تى ڕاگەیاند: لەلایەن سەرۆکایەتى ئەنجومەنەوە ئاگادارکراونەتەوە کە کۆبوونەوەکەى ئەمڕۆى ئەنجومەن ناکرێت.
جوان حەسەن وتیشی، ڕێکنەکەوتنى پارتى و یەکێتى هۆکارى سەرەکى بووە بۆ ئەوەى کۆبوونەوەکە نەکرێت و بۆ کاتێکى نادیار دوابخرێت.
لە پێنجى شوباتدا پارتى و یەکێتى ڕێکەوتن کە لە ١٨ى ئەم مانگە دانیشتنى پەرلەمانى کوردستان بەڕێوەبچێت و لەهەمان کاتدا کۆبونەوەى ئەنجومەنى پارێزگاى کەرکووکیش لە هەولێر بەڕێوەبچێت و دواتر ڕێبوار تاڵەبانى سەرۆکى ئەنجومەنى پارێزگا بە وەکالەت داواى لە ئەندامانى ئەنجومەن کرد بۆ کۆبونەوەکە.
کۆدی هه‌واڵنێر: 60113
بۆچوونی بەکارهێنەران