ڕەحمەت سادقی وەکوو سەرۆکی زانستگای کوردستان دەستنیشان کرا
بەپێی هەواڵی کوردپرێس، فەرمانگەی پێوەندییە گشتییەکانی وەزارەتی خوێندنی باڵا حوکمی دەستنیشان کردنی دوکتور سادقی-ی بڵاو کردەوە و لە حوکمەکەدا هاتووە:
بە ئاوڕدانەوە لە توانا و ئەزموونی باڵای جەنابتان، بەپێی ئەم حوکمە وەکوو «سەرۆکی زانستگای کوردستان بەوەکالەت» دەستنیشان دەکرێیت.
لە درێژەدا هەروەها هاتووە: چاوەڕوان دەکرێت بەکەڵک وەرگرتن لە ئەزموونی هەموو ئەندامانی لێژنەی زانستیی زانستگای کوردستان و هەروەها کەڵک وەرگرتن لە هەموو دەفرایەتییەکان، ئەرکی بەڕێوەبردنی زانستگای کوردستان لەسەر بنەمای یاسا، سیاسەت و بەرنامەکان کە ڕادەستی ئەنجومەنی نوێنەران کراوە، بە ئەنجام بگەیێنن.
شایانی باسە دوکتور ڕەحمەت سادقی لەدایکبووی ساڵی 1355 لە شاری مەریوان سەربە پارێزگای کوردستانە و بڕوانامەی دوکتوری شیمی فیزیکی لە زاستگای تەورێز وەرگرتووە و مامۆستای پلە 23ی کولێجی زانستی زانستگای کوردستانە.
کۆدی هەواڵنێر: 60113
بۆچوونی بەکارهێنەران