سەرۆکی پەرلەمانی ئێران: ڕێبەری باڵای ئێران فەرمانی کردووە ڕیفۆرمی تەواو لە هەیکەلییەتی حکومڕانیی وڵاتدا بکرێت
بەشی ئێران/ کوردی- سەرۆکی پەرلەمانی ئێران ڕایگەیاند: ڕێبەری باڵای ئێران فەرمانی کردووە ڕیفۆرمی گشتی بکرێت لە هەیکەلییەتی حکومڕانیی کۆماری ئیسلامیی ئێران ئەوەش لە ماوەی چوار مانگی داهاتوودا.
کوردپرێس:
عەلی لاریجانی سەرۆکی پەرلەمانی ئێران لەو بارەیەوە ڕایگەیاند: بەڕێز ڕێبەری باڵای کۆماری ئیسلامیی ئێران فەرمانی کردووە لە ماوەی چوار مانگی داهاتوودا بە هەیکەلییەتی حکومڕانیی ئێراندا بچینەوە و گۆڕانکاری و چاکسازیی گشتی بکرێت لە هەموو جومگەکاندا.
سەرۆکی پەرلەمانی ئێران ئەوەشی زیاد کرد: لەم قۆناغە هەستیارەدا باشتر وایە لەسەر موناقەشە و ململانێ سیاسییەکان نەچین.
لاریجانی گوتیشی: مەبەست لە ڕیفۆرمە زیاتر پێداچوونەوە بە هەیکەلییەتی بودجە و پلاندانان بووە و ئەو بەشەی سیستەم پێویستی بە چاکسازی هەیە.
بۆچوونی بەکارهێنەران