سەرۆکی هاوپەیمانیی نەسر و جێگری سەرۆکی بەرەی تورکمانی کۆ بووەنەوە
بەشی عێراق و هەرێمی کوردستان- حەیدەر عەبادی، سەرۆکی هاوپەیمانی نەسر لەگەڵ حەسەن تۆران، جێگری سەرۆکی بەرەی تورکمانی کۆبووەوە و دۆخی سیاسی گشتی و دۆخی کەرکووکیان تاوتوێ کرد.
کوردپرێس: بەپێی بەیاننامەیێکی نووسینگەی حەیدەر عەبادی، لە کۆبوونەوەکەدا جەخت کراوەتەوە لەسەر گرنگیی پاراستنی سەقامیگریی پارێزگاکە و پێکەوەژیانی ئاشتیانە لەنێوان رۆڵەکانی ئەو پارێزگایە بەهەموو پێکهاتەکانی و پێشکەش کردنی خزمەتگوزاری بە دانیشتووانەکەی.
حەیدەر عەبادی، سەرۆک وەزیرانی پێشووی عێراق دووپاتی کردووەتەوە: "کەرکووک وەک شاری پێکەوەژیانی ئاشتیانە دەمێنێتەوە، عێراقێکی بچووک کراوەیە و سەقامگیربوونی گەرەنتی ئاسایش و ئارامی عێراقە، رێگە بە هیچ سەفقەیێک نادەین لەسەر حیسابی ئاسایش و ئارامییەکەی بێت".
سەرچاوە: تۆڕی میدیایی ڕووداو
کۆدی هەواڵنێر: 60113
بۆچوونی بەکارهێنەران