داوا دەکەین ئەمریکا کۆتایی بە پێوەندییەکانی لەگەڵ یەپەگە بێنێت
کوردپرێس: بەپێی ئەو راگەیێندراوەی لە وەزارەتی بەرگریی تورکیا بڵاو کراوەتەوە، وەزیری بەرگریی تورکیا، خولوسی ئاکار پێشوازی لە نوێنەری تایبەتی ئەمریکا بۆ کاروباری سووریا، جەیمس جێفری کردووە و کۆبوونەتەوە لە راگەیەندراوەکەدا ئاماژە بەوە کراوە کە لە کۆبوونەوەکەدا تاوتوێی پێشهاتەکانی رۆژھەڵاتی فوڕات و منبج و دواپێشھاتەکانی سووریا کراوە.
لە راگەیەندراوەکەدا زیاتر ھاتووە: " ئاکار پێداگری تورکیا لە پاراستنی بەرژەوەندییەکان و مافەکان لە چوارچێوەی یاساکانی نێودەوڵەتی کردوووە، و ھاوکات باسی لە چاوەڕوانی تورکیا لە ئەمریکا کرد بۆ کۆتایی ھێنان بە پەیوەندییەکانی لەگەڵ یەپەگە و تەواوکردنی نەخشەرێگای منبج بەخێرایی".
راشگەیەندرا کە لە کۆبوونەوەکەی ئاکار و جێفری باس، لە پێکەوە کارکردنی ھەردوو وڵات بۆ چارەسەرکردنی کێشەکان کراوە.
جێی ئاماژەیە سەرۆک ئەرکانی سوپای تورکیا، یاشار گولەر ئامادەی کۆبوونەوەکەی ئاکار و جێفری بووە.
سەرچاوە: NTV
کۆدی هەواڵنێر: 60113
بۆچوونی بەکارهێنەران