ئەندامێکی سەرکردایەتیی یەکێتی:
پڕۆسەی پێکهێنانی حکوومەتی هەرێم سێ مانگی دیکە دەخایەنێت
بەشی عێراق و هەرێمی کوردستان- غیاس سوورچی دەڵێت دواکەوتنی پڕۆسەی پێکهێنانی حکوومەتی نوێی هەرێمی کوردستان دەگەڕێتەوە بۆ ململانێی نێوان یەکێتی و پارتی و ڕەنگە بەهۆی ناکۆکییەکانەوە سێ مانگی دیکەش بخایەنێت.
کوردپرێس:
غیاس سوورچی ئەندامی سەرکردایەتیی یەکێتیی نیشتمانیی کوردستان لەو بارەیەوە بە ئاژانسی هەواڵی مەعلوومەی وتووە: یەکێتی و پارتی بە ئاشکرا خۆیان یەکلا کردۆتەوە کە بەشداریی پڕۆسەی پێکهێنانی حکوومەت دەکەن بەڵام جووڵانەوەی نەوەی نوێ و یەکگرتووی ئیسلامی بایکۆتی بەشداریکردنی حکوومەتیان کردووە و کۆمەڵی ئیسلامیی کوردستانیش هێشتا لەو بارەیەوە خۆی ساغ نەکردۆتەوە بڕیاری لە سەر بەشداریکردن یان بایکۆتکردن نەداوە.
ناوبراو زیادی کرد: پەرلەمانی کوردستان خشتەی زەمەنیی بۆ پێکهێنانی حکوومەت دیاری نەکردووە و هەر بەو بۆنەیەشەوە دواخستنی پڕۆسەی پێکهێنانی حکوومەت لەباری یاسایییەوە کێشە دروست ناکات.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران