نوێنەرێکی هاوپەیمانیی بینا: سەرۆکوەزیران دەست لە کار بکێشێتەوە
بەشی عێراق و هەرێمی کوردستان- نوێنەرێکی هاوپەیمانیی بینا لە پەڕلەمانی عێراق داوا دەکات عادل عەبدولمەهدی سەرۆکوەزیرانی عێراق دەست لە کار بکێشێتەوە و کەسایەتییێکی دیکە لە گەورەترین کوتلەی پەڕلەمانییە ڕابسپێردرێت بۆ پێکهێنانی حکوومەت.
کوردپرێس:
ئەحمەد جبووری لە تۆڕی کۆمەڵایەتیی تویتەر تویتێکی بڵاو کردۆتەوە و وتوویەتی پێویستە عادل عەبدولمەهدی سەرۆکوەزیرانی عێراق دەست لە کار بکێشێتەوە لە بەر ئەوەی ناتوانێت کابینەکەی تەواو بکات و ئەندامانی وەزارەتە بەتاڵەکان بە پەڕلەمان بناسێنێت.
جبووری جەختیشی کردۆتەوە: بە قازانجی هەموو عێراقییەکانە کۆتلەی گەورەی پەڕلەمان دیاری بکرێت بۆیەش داوا دەکەم هەر حیزبێک دژی ئەو پێشنیازەیە ئەوا بچێتە لایەنی موعارەزە و ئێمەش ڕێز لە بڕیارەکەی دەگرین.
بۆچوونی بەکارهێنەران