ئەردۆغان و مێرکڵ بە تەلەفۆن پرسی سووریایان تاوتوێ کرد
بەشی تورکیا- رەجەب تەیب ئەردۆغان، سەرۆککۆماری تورکیا و ئەنگێلا مێرکڵ، راوێژکاری ئەڵمانیا پەیوەندییێکی تەلەفۆنییان ئەنجام دا و تاوتوێی پێشهاتەکانی سووریایان کرد.
کوردپرێس:
سەرچاوەیێک لە سەرۆکایەتیی تورکیا ئاشکرای کرد، ئەمڕۆ ئەردۆغان و مێرکڵ پەیوەندییێکی تەلەفۆنییان ئەنجام داوە و "تاوتوێی پێشهاتەکانی سووریا و شەڕی تیرۆریان لە ناوچەکەدا کردووە".
ئەردۆغان و مێرکڵ لە پەیوەندییە تەلەفۆنییەکەدا تاوتوێی پرسی چوونی کۆچبەرانیان لە تورکیاوە بەرەو ئەوروپا کردووە. هەروەها جەختیان لەوە کردووەتەوە کە "هەردوو وڵات بۆ چاودێریکردنی دۆخی سووریا و پرسی کشانەوەی هێزەکانی ئەمریکا لەو وڵاتە لە پەیوەندی بەردەوامدابن".
دوای بڕیاری کشانەوەی ئەمریکا لە سووریا، تورکیا پێشوازی لە بڕیارەکە کرد و دەیەوێ پێگەی خۆی لەو وڵاتە بەهێزتر بکات، بەڵام فەرەنسا و ئەڵمانیا لە بڕیارەکەی دۆناڵد ترەمپ نیگەرانن.
کۆدی هەواڵنێر: 60101
بۆچوونی بەکارهێنەران