مەحموود عوسمان: كورد له سووریا كه‌وتووه‌ته نێوان به‌رداشى توركیا و ڕووسیا و ئه‌سه‌د
بەشی عێراق و هەرێمی کوردستان- مه‌حموود عوسمان، سیاسه‌تمه‌دارى كورد پێی وایه ئه‌و رووداوانه‌ى ئێستا له كوردستانى سووریا ده‌گوزه‌رێن، ده‌رئه‌نجامى هه‌ڵه‌ى هێزه كوردییه‌كان و متمانه‌نەیان به هێزه ئیقلیمى و نێوده‌وڵه‌تییه‌كانە بێ ئەوەی بە وردی بیری لێبکەنەوە.
کوردپرێس:
مه‌حموود عوسمان، له چاوپێكه‌وتنێكدا له‌گه‌ڵ ده‌نگى ئه‌مه‌ریكا، ده‌ڵێت، "كێشه‌كانى كوردستانى رۆژئاوا به‌شێكیان په‌یوه‌ندیان به‌هه‌ڵه‌ى كورده‌وه هه‌یه، كه له‌نێوخۆیاندا یه‌كگرتوو نین، شه‌ڕیان بۆ ئه‌مه‌ریكا كرد بێ ئه‌وه‌ى بزانن له به‌رانبه‌ردا، چى به‌ده‌ست دێنن."
ئاماژه‌ى به‌وه‌ش كرد، "هێزه كوردییه‌كان گه‌یشتنه ناوچه عه‌ره‌بیه‌كانى وه‌كو ره‌قه و دێره‌زور و شه‌ڕیان بۆ ئه‌مه‌ریكا كرد، ئه‌وه‌ش ده‌رئه‌نجام كێشه‌ى له‌گه‌ڵ عه‌ره‌ب دا بۆ دروستكردن".
مه‌حموود عوسمان راشیگه‌یاند، "ئێستا كورد له سووریا كه‌وتوه‌ته دۆخێكه‌وه، یان ده‌بێت به قسه‌ى ڕووسیا و ئه‌سه‌د بكه‌ن، له‌مه‌شدا هیچ مافێكیان پێ ره‌وا نابینرێت، یاخود ناوچه‌كه‌یان توركیاى بۆ دێت، هه‌موو شته‌كان تێكه‌ڵ بوون."
کۆدی هەواڵنێر: 60101
بۆچوونی بەکارهێنەران