ھەسەدە: بڕیاری کشانەوەی ئەمەریكا كاریگەریی نەرێنی دەبێت
بەپێی هەواڵی کوردپرێس، لە ڕاگەیێندراوەکەی هەسەدە- دا هاتووە: "ئەو بڕیارە كاریگەریی نەرێنی دەبێت لەسەر شەڕی دژی تیرۆر، كە ئێستا شەڕڤانان لە شەڕێكی سەختدان لەگەڵ چەكدارانی داعش".
ھەسەدە راشیگەیاندووە: "ئەو بڕیارە لە کاتێکدا ئێمە شەڕڤانان لە قۆناخێکی سەختی شەڕی تیرۆرداین لەگەڵ داعش، ھاوكات رووبەڕووی شانە نوستووەکانیان دەبینەوە کە لە ناوچە ئازادکراوەکاندا خۆیان حەشارداوە و دەیانەوێت خۆیان رێكبخەنەوە.
بڕیارەکەی کۆشکی سپی بۆ کشانەوە لە باکوور و رۆژهەڵاتی سووریا کاریگەری نەرێنی دەبێت لەسەر شەڕی دژی تیرۆر، هاوكات دەرفەت بۆ داعش دەڕەخسێنێ بۆ ئەوەی لە ناوچەكەدا ھێرشی پێچەوانە بكەن.
لە بەشێكی ئەو راگەیەندراوەدا ھەسەدە جەخت دەكاتەوە: "ھێشتا شەڕی تیرۆر لە ناوچەكە كۆتایی نەھاتووە، ئێستا لە قۆناخێكی چارەنووسازداین و پێویستە ھاوپەیمانان بەردەوام بن لە ھێزە شەڕكەرەكان دژی داعش".
کۆدی هه‌واڵنێر: 60113
بۆچوونی بەکارهێنەران