عەمار حەكیم داوا دەکات ئەنجومەنێكی باڵا بۆ رووبەڕووبوونەوەی گەندەڵی پێكبهێندرێت
بەشی عێراق و هەرێمی کوردستان- لە پەیامێكدا كە لە تویتەر بڵاوی كردووەتەوە، عەمار حەكیم سەرۆكی هاوپەیمانیی چاكسازی و بنیاتنانەوە داوای كرد ئەنجومەنێكی باڵا بۆ رووبەڕووبوونەوەی گەندەڵی لە عێراق پێكبهێندرێت. هەوڵەكانیش یەكبخرێن لەپێناو بەجێهێنانی ئەو ئەركە.
بەپێی هەواڵی کوردپرێس، عەمار حەکیم لە توویتەکەیدا راشیگەیاند: "گەندەڵی بووەتە ئاستەنگ لە بەردەم هەردوو رێڕەوی گەشەپێدان و وەربەهێناندا، بۆیە دەبێت هەردوو دەسەڵاتی جێبەجێ كردن و یاسادانان، یاسای بەهێز دەربكەن بۆ بەرگرتن لەو مەترسییە."
لە پەیامەكەیدا حەكیم ئاماژەی بۆ ئەوەش كردووە كە گەندەڵی بووەتەهۆی بەفیڕۆدانی سامانی گشتی و كات، هەروەک بارودۆخی ئابووری خراپتر كردووە.
سەرچاوە: ڕادیۆ نەوا
کۆدی هەواڵنێر: 60113
بۆچوونی بەکارهێنەران