تا ئێستا راپۆرتێكی یەكگرتوو لەبارەی نادەستووری بوونی دەرهێنان و هەناردەی نەوت لە هەرێم تۆمار نەكراوە
بەپێی هەواڵی کوردپرێس، ئەیاس سامۆک، وتەبێژی فەرمیی دادگای باڵای فیدراڵی لە ڕێگەی بەیاننامەیێكەوە ئەوەی خستۆتەڕوو کە بەسەرۆكایەتی دادوەر میدحەت مەحمود و سەرجەم دادوەرە ئەندامەكان ئەمڕۆ چوارشەممە كۆ بۆتەوە و تەماشای راپۆرتی پسپۆڕانی كردووە لەبارەی ئەو سكاڵایەی سەبارەت بە نادەستووری بوونی دەرهێنان و هەناردەی نەوتی هەرێمی كوردستان تۆمار كراوە.
سامۆک ئاماژەی بەوەش داوە، بەڵام لەوكۆبونەوەیەدا گەیشتونەتە ئەو دەرئەنجامەی كە راپۆرتێكی یەكگرتوویان لەبارەی دەرئەنجامەكان پێشكەش نەكردووە و هەر یەكە و بۆچوونێكی جیاوازیان خستۆتەڕوو.
بەیاننامەكە ئەوەشی خستۆتەڕوو، دادگای باڵای فیدراڵی بڕیاری داوە تەماشا كردنی سكاڵاكە بۆ رۆژی 9ی مانگی داهاتوو دوا بخات تا پسپۆڕەكان بتوانن ئەركەكەیان بە ئەنجام بگەیێنن و 10 رۆژ بەر لە وادەی دانیشتنی داهاتوو، راپۆرتێكی یەكگرتوو پێشكەش بكەن.
کۆدی هەواڵنێر: 60113
بۆچوونی بەکارهێنەران