سزای زیندانیی هەتاهەتایی بەسەر دوو ئەندامی کوردی ناو داعشدا سەپێنرا
بەپێی هەواڵی کوردپرێس، بەڕێوەبەرایەتیی ئاسایشی گەرمیان لە راگەیێندراوێکدا بڵاوی کردووەتەوە: لەچوارچێوەی هەڵمەتەکانیان بۆ پاراستنی سنوورەکە هێزەکانیان توانیویانە رۆژانی ٢٣ و ٢٦ی کانونی دووەمی ٢٠١٨ دوو تاوانبار لە سنووری قەزای کەلار و ناحیەی پێباز دەستگیر بکەن کە پەیوەندییان بە داعشەوە هەبووە و یارمەتی ئەو گرووپەیان داوە.
ئەو دوو تاوانبارە دانیشتووی گوندی گۆڕە شەلەی سەر بە ناحیەی قۆرەتوون و ئۆتۆمبیلێک و چەند جۆر چەکێک و بڕێک ماددەی تەقینەوەشیان پێوەگیراوە.
بە بڕیاری دادوەری لێکۆڵینەوە و دوای دانپێدانانی تاوانباران بە تاوانەکەیاندا، رۆژی سیشەممە ١٣ی تشرینی دووەمی ٢٠١٨ سەرۆکایەتیی دادگای تاوانەکانی کەرکووک/گەرمیان سزای زیندانی هەتاهەتایی بەسەر هەردوو تاوانباردا سەپاندووە و دواتر بۆ بەسەربردنی ماوەی سزاکەیان، تاوانباران رەوانەی بەڕێوەبەرایەتی چاکسازی گەورانی سلێمانی کراون.
سەرچاوە: میدیاکانی هەرێم
کۆدی هەواڵنێر: 60113
بۆچوونی بەکارهێنەران