تورکیا گوندەکانی کۆبانێ بۆردوومان دەکات
بەشی سووریا- تەلەڤزیۆنی ڕووداو بڵاوی کردەوە کە سوپای تورکیا گوندەکانی رۆژئاوای کۆبانێ بۆردوومان دەکات، خەڵک ناوێرن بچنە سەر زەوییە کشتوکاڵییەکانیان، قوتابخانەکانیش داخراون.
کوردپرێس:
بەپێی ئەو هەواڵەی تۆڕی میدیاییی ڕووداو ڕایگەیاندووە گوندی ئاشمە نزیکە لە سنووری تورکیا، خەڵکەکەی بەردەوام لە ژێر بۆردووماندان، ژنێک دەڵێ منداڵمان ناوێرن سەر دەربێنن، ناتوانین زەوییەکانمان بکێڵین و رۆژانە تەقە و تۆپی هیزەکانی تورکیامان لەسەرە.
هەر بە پێی هەواڵەکەی تەلەڤزیۆنی ڕووداو زیاتر لە 8 هەزار کەس لەو گوندانە دەژین کە تۆپبارانی تورکیایان لەسەرە، قوتابخانەکانیان داخراون، کەسابەت و دووکانەکانیشیان هەمیشە لە ژێر هەڕەشەدان. ئەو رووناکییەش دوای شەڕی داعش بۆ ژیانی دووبارە هەبوو لە بەر بۆردوومانی تورکیا نەماوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران