ژمارەیێک ناوچەی شەنگال لە لایەن حەشدی شەعبییەوە ڕادەستی هێزە کوردە ئێزدییەکان کرا
بەپێی هەواڵی کوردپرێس، زەردەشت شەنگالی بە ڕۆژنیوزی وت: بە بڕیاری ژووری چالاکییەکانی نەینەوا، ناوچەکانی باشووری شەنگال ڕادەستی هێزەکانی ئێمە و ئەنجومەنی خۆبەڕێوبەری شەنگال کراون، ئەو ناوچانە ڕادەستی ئێمە وەک هێزێکی فەرمی سەربە حکوومەتی عێراق کراون.
ناوبراو وتیشی: ئێستا گوندەکانی تەل ئزێزر و سیبا شێخ خدر ڕادەست کراون، لە کاتی فەرمانەکەدا بەرخۆدانی گەورە لە گوندی سیبا شێخ خدر ئەنجامدرا، شەهیدی زۆر درا بۆ ئەوەی نەکەوێتە دەستی چەتەکانی داعشەوە.
باسی خۆشحاڵی خەڵک و شەڕڤانانیشی کرد و وتی: بە خوشحاڵی خەڵکی ئەو گوندانە و شەڕڤانان، هەستێکی نوێ بۆ ژیان گەڕاوەتەوە ناو خەڵک.
زردەشت شەنگالی ئەوەشی خستە روو: گوندی سیبا شێخ خدر بە بەشداری شەڕڤانانی یەبەشە ڕزگارکرابوو، لە ڕزگارکردنی ئەو گوندەدا شەڕڤانێک گیانی لەدەست داوە و شەش کەسی دیکەشمان برینداربوون.
کۆدی هەواڵنێر: 60113
بۆچوونی بەکارهێنەران