ئەندامێکی سەرکردایەتیی گۆڕان:
ململانێی نێوان پارتی و یەکێتی وای کردووە خەڵکی هەرێم متمانەیان پێ نەکات
بەشی عێراق و هەرێمی کوردستان- ئەندامێکی بزوتنەوەی گۆڕان وتوویەتی کشانەوەی فواد حسێن کاندید پارتی بۆ پۆستی سەرکۆماری عێراق سەلماندی یەکێتی و پارتی لێکتێگەیشتن و ئیتفاقیان لە نێو یەکتردا نییە.
کوردپرێس:
مەحموود شێخ وەهاب لەو بارەیەوە بە ماڵپەڕی هەواڵی مەعلوومەی عێراقی وتووە پارتی بە سەرۆکایەتیی مەسعوود بارزانی نێوانی خۆشە لەگەڵ سوننەکانی عێراق و وڵاتانی کەنداوی فارس و تورکیاش بۆیە لە ستراتێژییەتی یەکێتی نزیک نییە.
ناوبراو زیادی کرد: کشانەوەی فواد حسێن کاندید پارتی بۆ پۆستی سەرکۆماری عێراق سەلماندی یەکێتی و پارتی لێکتێگەیشتن و ئیتفاقیان لە نێو یەکتردا نییە.
مەحموود شێخ وەهاب وتیشی نەبوونی ئیتفاق و لێکتێگەیشتن لە نێوان پارتی و یەکێتی وای کردووە جەماوەری کوردستان متمانەیان بەو دوو حیزبە نەمێنێت و هەر ئەوەش لێکەوتەی خراپی لە کوردستانیش و عێراقیش بەدوادا هاتووە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران