ئەندامێکی سەرکردایەتیی یەکێتی:
ڕێژە فراوانەکەی دەنگەکانی بەرهەم ساڵح، فواد حسێنی ناچار کرد بکشێتەوە
بەشی عێراق و هەرێمی کوردستان- نوێنەرێکی یەکێتیی نیشتمانیی کوردستان وتوویەتی ڕێژەی دەنگەکانی بەرهەم ساڵح جیاوازیی هەرە زۆری لەگەڵ ژمارەی دەنگەکانی فواد حسێن بوو هەر ئەوەش کاندیدەکەی پارتیی ناچار کرد بکشێتەوە.
کوردپرێس:
غیاس سوورچی لەو بارەیەوە بە ماڵپەڕی هەواڵی ئیتجاەپرێسی وتووە پڕۆسەی دەنگدان بۆ دیاریکردنی پۆستی سەرۆککۆماری عێراق پڕۆسەیێکی شەفاف و تەندروست بوو و هەر یەکە لە نوێنەران دەنگیان بەو کاندیدە دا کە بۆ پڕۆسەی سیاسیی عێراق بە گونجاویان دەزانی.
ناوبراو زیادی کرد: سەرکەوتنی بەرچاوی بەرهەم ساڵح بە سەر فواد حسێندا وای کرد کاندیدەکەی پارتی کشانەوەی خۆی ڕابگەیێنێت و سەرکەوتنی بەرهەم ساڵح پێشتریش چاوەڕوانکراو بوو لە بەر ئەوەش دەبێت پارتی ئەنجامی هەڵبژاردنەکەی پەڕلەمان قبووڵ بکات.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران