پەیامی وەزیری ناوخۆی عێراق بە بۆنەی هێرشە تیرۆریستییەکەی ئەهواز
بەشی عێراق و هەرێمی کوردستان- وەزیری ناوخۆی عێراق لە پەیامێکدا هێرشی تیرۆریستیی سەر لە بەیانیی ئەمڕۆی لە شاری ئەهواز مەحکووم کرد و هاوخەمیی خۆی بۆ میللەتی ئێران ڕاگەیاند.
بەپێی هەواڵی کوردپرێس، قاسم ئەعرەجی ئەمڕۆ شەممە 31ی خەرمانان کاردانەوەی هەمبەر هێرشە تیرۆریستییەکەی سەر ڕێوەڕەسمی نمایشی سەربازی لە شاری ئەهواز نیشان دا و ڕایگەیاند: ئەو هێرشە لە ساڵڕۆژی هێرشی سەدام بۆ سەر ئێران جارێکی دیکە دژایەتیی تیرۆریستانی لەگەڵ میللەتی ئێران پیشاندا.
ناوبراو وێرای دەربڕینی خەم و ئەسەفی خۆی بۆ ئەو ڕووداوە تیرۆریستییە و سەرخۆشی کردن لە بنەماڵەی شەهیدانی هێرشەکە ڕایگەیاند: ئەو کردەوە سووکانە ناتوانن ورەی میللەتی ئێران دابەزێنن.
کۆدی هەواڵنێر: 60113
بۆچوونی بەکارهێنەران