توركیا بڕیاری سزادانی ئه‌ندامانی هه‌ده‌په ده‌رده‌كات
به‌شی تورکیا- دادگایێكی توركیا سزای زیندانی كردنی به سه‌ر هه‌ریه‌كه له سه‌ڵاحه‌ددین ده‌میرتاش هاوسه‌رۆكی پێشووی پارتی دیموكراتی گه‌لان (هه‌ده‌په) و سری سوره‌یا ئونده‌ر په‌رله‌مانتاری هه‌ده‌په سه‌پاند.
به‌پێی هه‌واڵی کوردپرێس، ڕۆژی هه‌ینی 7ی ئه‌یلوولی 2018 دادگایێكی توركیا بڕیاری زیندانی كردنی بۆ ماوه‌ی چوار ساڵ و هه‌شت مانگ بۆ سه‌ڵاحه‌ددین ده‌میرتاش هاوسه‌رۆكی پێشووی هه‌ده‌په ده‌ركردوووه.
هاوكات دادگای توركیا بڕیاری زیندانی كردنی بۆ ماوه‌ی سێ ساڵ و شه‌ش مانگ بۆ سڕی سوره‌یا ئۆنده‌ر په‌رله‌مانتاری پێشوی هه‌ده‌په ده‌ركردوووه.
هه‌ریه‌كه له سه‌ڵاحه‌ددین ده‌میرتاش و سری سوره‌یا ئۆنده‌ر به تۆمه‌تی بانگه‌شه‌كردن بۆ پارتی كرێكارانی كوردستان ساڵی 2016 ده‌ستگیر كرابوون.
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
بۆچوونی بەکارهێنەران