هاوکات لەگەڵ بوردومانی ئیدلیب لە لایەن ڕووسیاوە:
وەزیری بەرگریی تورکیا و نوێنەری تایبەتیی ئەمریکا بۆ سووریا كۆ بوونه‌وه
بەشی تورکیا- وەزیری بەرگریی تورکیا، خولوسی ئاکار پێشوازی كرد لە نوێنەری تایبەتیی ئەمریکا بۆ سووریا، جێمس جێفری.
بەپێی هەواڵی کوردپرێس، خولوسی ئاكار له وه‌زاره‌تی به‌رگری له‌گه‌ڵ جێمس جێفری كۆ بووه‌وه و كۆبوونه‌وه‌كه‌ش به داخراوی به‌ڕووی كامێره‌كان به‌ڕیوه‌چوو.
زانیارییەکان باس لەوە دەکەن کە لە كۆبوونه‌وه‌كه‌دا پێشهاته‌كانی سووریا تاوتوێ كراوە و نیگه‌رانییەکان له‌باره‌ی په‌كه‌كه و په‌یه‌ده و یه‌په‌گه له ناوچه‌كه خراوەتە ڕوو.
هه‌روه‌ها خولوسی ئاکار باسی له‌وه كردووە كه توركیا به‌رده‌وام ده‌بێت له گرتنه‌به‌ری ریوشوێنه‌كان بۆ پاراستنی ماف و به‌رژه‌وه‌ندیه‌كانی و ده‌سته‌به‌ر كردنی ئاسایشی وڵاتەکەی.
وەزیری بەرگریی تورکیا جەختیشی کرد كه پێویسته رێکخراوی یه‌په‌گه به‌ته‌واوی ناوچەی باکووری سووریا جێبهێڵێت.
سەرچاوە: ئانادۆڵۆ
کۆدس هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران