شاندی پارتى و یه‌كێتى له‌گه‌ڵ فوئاد مه‌عسووم كۆ بوونه‌وه
بەپێی هەواڵی کوردپرێس، نووسینگه‌ى ڕاگه‌یاندنى سه‌رۆكایه‌تى كۆمارى عێراق، له ڕاگه‌یاندراوێكدا بڵاوی كرده‌وه، كه فوئاد مه‌عسووم، له شارى به‌غدا پێشوازی كرد له فازڵ میرانى، سه‌رۆكى شاندی پارتى دیموكراتى كوردستان و مه‌لا به‌ختیار، سه‌رۆكى شاندی یه‌كێتیی نیشتمانیى كوردستان.
به‌پێی ڕاگه‌یاندراوه‌كه، له دیداره‌كه‌دا جه‌خت له‌سه‌ر پێویستی بانگهێشت كردنى ئه‌نجومه‌نى نوێنه‌رانى تازه هه‌ڵبژێردراو له واده‌ى ده‌ستوورى دیاری كراودا بكرێت، بۆ ئه‌وه‌ى یه‌كه‌م دانیشتنى خۆى بكات و پرۆسه‌ى پێكهێنانى كابینه‌ى نوێی حكوومه‌ت له ماوه‌ى ده‌ستووریدا، ده‌ستپێ بكات.
هه‌روه‌ها ئه‌وه‌ش خراوه‌ته‌ڕوو، كه له كۆبوونه‌وه‌كه، باس له پێشهاته‌كانى هه‌رێمی كوردستان و دۆخى عێراق كرا، له‌گه‌ڵ باس كردن چۆنێتی باشتر كردنى په‌یوه‌ندییه‌كان و هه‌ماهه‌نگی نێوان لایه‌نه‌كانى پرۆسه‌ى سیاسی.
سەرچاوە: باسنیووز
کۆدی هەواڵنێر: 60113
بۆچوونی بەکارهێنەران