رێژه‌ی بێكاری له‌ نێو توێژی گه‌نجانی عێراقی گه‌یشتووه‌ته‌ 22.6 %

بەپێی هەواڵی کوردپرێس، ده‌زگای ناوه‌ندی ئامار سه‌ر به‌ وه‌زاره‌تی پلاندانانی عێراق له‌ به‌یاننامه‌یێكدا بڵاوی كردووه‌ته‌وه‌ کە رێژه‌ی بێكاری له ‌نێوان توێژی گه‌نجانی ته‌مه‌ن 15 بۆ 29 ساڵ گه‌یشتووه‌ته‌ 22.6%.

له‌ به‌یاننامه‌كه‌دا ئه‌وه‌ش خراوه‌ته‌ڕوو كه‌ تێكڕای به‌شداریی كردنی گه‌نجان له‌ هێزی كار گه‌یشتووه‌ته‌ 36.1%.

ئه‌م ژمارانه‌ كه‌مترن له‌و ژمارانه‌ی سندوقی دراوی نێوده‌وڵه‌تی له‌ مانگی ئایاری رابردوو رایگه‌یاندبوو كه‌ تێكڕای رێژه‌ی بێكاری له‌نێو توێژی گه‌نجان له‌ عێراق زیاتر له‌ 40%.

به‌پێی ئامارێكی ده‌زگای ناوه‌ندی ئامار سه‌ر به‌ وه‌زاره‌تی پلاندانانی عێراق كه‌ مانگی كانوونی یه‌كه‌می رابردوو بڵاوی كردبوویه‌وه‌، ژماره‌ی دانیشتووانی عێراق 37 ملیۆن كه‌سه‌.

سەرچاوە: ڕادیۆ نەوا

کۆدی هەواڵنێر: 60113