ئه‌مریكا مه‌رجه‌كه‌ی توركیا بۆ هه‌ڵگرتنی سزاكانی سه‌ر ئه‌نقه‌ره ڕه‌ت ده‌كاته‌وه
به‌شی جیهان- ڕۆژنامه‌ی واڵستریت ژۆرناڵی ئه‌مریكی بڵاوی كرده‌وه كه ئیداره‌ی ئه‌مریكا به سه‌رۆكایه‌تیی دۆناڵد ترامپ مه‌رجه‌كه‌ی توركیای بۆ هه‌ڵگرتنی سزاكانی سه‌ر ئه‌نقه‌ره‌ی ڕه‌ت كردۆ‌ته‌وه.
به‌پێی هه‌واڵی کوردپرێس، ڕۆژنامه‌ی واڵستریت ژۆرناڵی ئه‌مریکی بڵاویشی کردۆته‌وه كه توركیا بۆ ئازادكردنی قه‌شه ئه‌ندرۆ بره‌نسن مه‌رجی ئه‌وه‌ی بۆ ئه‌مریكا هه‌بوووه كه سزاكانی سه‌ر هاڵک بانكی توركی هه‌ڵبگرێت به‌ڵام واشنتۆن ئه‌وه‌ی ڕه‌ت کردۆته‌وه.
چه‌ند مانگێكه ده‌سه‌ڵاتی توركیا قه‌شه ئه‌ندرۆ بره‌نسی ده‌ستگیر كردوووه ئه‌وه‌ش به تۆمه‌تی سیخوڕی بۆ گرووپی بزووتنه‌وه‌ی خزمه‌ت و پارتی كرێكارانی كوردستان (په‌كه‌كه).
له به‌رانبه‌ر ئه‌وه‌دا ئه‌مریكا كاردانه‌وه‌ی نواندوووه و چه‌ند سزایێكی به سه‌ر توركیادا سه‌پاندوووه و ئه‌وه‌ش بوووه‌ته هۆی ئه‌وه‌ی په‌یوه‌ندییه‌كانی نێوان واشنتۆن و ئه‌نقه‌ره به ته‌واوی تێك بچێت.
سه‌رچاوه: خه‌ندان
کۆدی هه‌واڵنێر: 60103
بۆچوونی بەکارهێنەران