ئێران پەرەدە لە سەر فڕۆکەیێکی جەنگیی نوێی ئێرانی لادەدات
بەشی ئێران/ کوردی- فەریق ئەمیر حاتەمی وەزیری بەرگریی ئێران لە لێدوانێکدا وتوویەتی ڕۆژی چوارشەمە 22ی ئاب فڕۆکەیێکی نوێی ئێرانی لە ئاسماندا دەفڕێت.
کوردپرێس:
فەریق ئەمیر حاتەمی وەزیری بەرگریی ئێران لە لێدوانێکدا وتوویەتی ڕۆژی چوارشەمە 22ی ئاب فڕۆکەیێکی نوێی ئێرانی پەردەی لە سەر لادەدرێت و ئەوەش بە بۆنەی ساڵوەگەڕی پیشەی بەرگری لە ئێران.
حاتەمی زیادی کرد: لەو ڕۆژەدا فڕۆکەیێکی نوێی ئێرانی دەبینین کە بە ئامانجی پشتیوانیی ئاسمانیی مەودا کورت ئامادە کراوە و فڕۆکەیێکی جەنگیی بەتوانایە.
ناوبراو گوتیشی فڕۆکەیێکی دیکەی ئێرانییش لە ئامادەبووندایە و ڕێکخراوی "باوەڕ" سەرقاڵە بە تاقیکردنەوەی ئەو فڕۆکەیە و تا نەورۆزی ساڵی ئایندە پەردەی لە سەر لادەدرێت و تەنانەت بۆ هەناردە کردنیش بەهرەی لێوەردەگیرێت.
وەزیری بەرگریی ئێران جەختی کردەوە توانای سەربازی و بەرهەمهێنانی چەک و کەرەستەی سەربازیی ئێران زیادی کردووە و بەرهەمی ناوخۆیی لە کەرتی بەرگری و سەربازیدا ڕوو لە زیادبوونە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران