فەرماندەی هێزە ئەمریکییەکان لەگەڵ وەزیری بەرگریی تورکیا کۆ بوویەوە
بەشی تورکیا- ژنەراڵ کۆرتیس سکاپارۆتی فەرماندەی هێزی ئەمریکی و هێزی ناتۆ لە ئەورووپا کە سەردانی ئەنقەرەی کردووە لەگڵ خلووسی ئاکار وەزیری بەرگریی تورکیا لە سەر تەوەری سووریا و کشانەوەی یەپەگە لە مەنبەج دیدار و گفتوگۆی کرد.
کوردپرێس:
تەلەڤزیۆنی NTV ڕایگەیاند ژنەراڵ کۆرتیس سکاپارۆتی فەرماندەی هێزی ئەمریکی و هێزی ناتۆ لە ئەورووپا کە سەردانی ئەنقەرەی کردووە لەگڵ خلووسی ئاکار وەزیری بەرگریی تورکیا لە سەر تەوەری سووریا و کشانەوەی یەپەگە لە مەنبەج دیدار و گفتوگۆی کرد.
بەگوێرەی زانیارییەکان ئامانجی سەرەکیی دوو لایەن لەو دیدارە ئەوە بوو کە دانووستان لە سەر تەوەری مەنبەج و کشانەوەی یەپەگە لەو شارە و چالاک کردنەوە دەورییەکانی سوپای تورکیا لە ناوچەکە بکەن.
هەورەهاش فەرماندەی ناتۆ لەو دیدارەدا تەرکیزی کردە سەر زەروورەتی زیاد کردنی ئاسایش و باری ئەمنیی سنووری تورکیا لە بەرانبەر مەترسیی داعش و گرووپە تیرۆریستییەکان!
هەروەها لە دیدارەکەدا لە سەر دوایین پێشهاتە و ڕووداوەکانی وڵاتی عێراقیش باس و گفتوگۆ کرا.
بۆچوونی بەکارهێنەران