جێگری سەرکۆماری ئەمریکا:
تا ئەو کاتەی قەشە ئەمریکییەکە ئازاد نەکرێت بەردەوام دەبین لە سزادانی تورکیا
بەشی تورکیا- مایک پێنس بریکاری دۆناڵد ترەمپ سەرۆکی ئەمریکا لە پەیامێکدا لە پەیجی تایبەتی خۆی لە تویتەر نووسیویەتی: بڕیارمان داوە بە سزادانی تورکیا و تا ئەو کاتەی قەشە ئەمریکییەکە ئازاد نەکرێت بەردەوام دەبین لە سزاکان.
کوردپرێس:
مایک پێنس یاریدەدەری دۆناڵد ترەمپی ەرۆکی ئەمریکا لە تویتەر ئاماژەی بە ئەو گەمارۆ ئابوورییانە کردووە کە وەزارەتی داراییی ئەمریکا دژ بە وەزارەتی ناوخۆ و وەزارەتی دادی تورکیا سەپاندوویەتی و وتوویەتی: بڕیارمان داوە بە سزادانی تورکیا و تا ئەو کاتەی قەشە ئەمریکییەکە ئازاد نەکرێت بەردەوام دەبین لە سزاکان.
لە پەیامەکەدا ئەوەش نووسراوە کە ئەمریکا سزای توندی بە سەر تورکیادا سەپاندووە و ئەو سزایەش بەردەوام دەبێت تا ئەو کاتەی ئەردۆغان و دەوڵەتەکەی قەشە ئەمریکییەکە ئازاد دەکەن و ئەو مرۆڤە بێتاوانە دەنێرنەوە ماڵە خۆی.
بۆچوونی بەکارهێنەران