کار بۆ ئازادکردنی 55 ھاوڵاتیی خەڵکی ھەرێم لەزیندانەکانی تورکیا دەکرێت
بەشی عێراق و هەرێمی کوردستان- فیدراسیۆنی سەرتاسەریی پەنابەرانی عێراق زانیارییێکی گرنگ سەبارەت بە ٥٥ پەنابەری عێراقی کە لەگرتوخانەکانی تورکیادا زیندانکراون ئاشکرا دەکات و سەرپەرشتیاری گشتیی فیدراسیۆنەکەش ڕایدەگەیەنێت، "کاری یاساییان بۆ تەواو کردوون و بەم زووانە دەیانگەڕێننەوە".
کوردپرێس:
ئاری جەلال سەرپەرشتیاری گشتیی فیدراسیۆنی پەنابەرانی عێراق لە ھەرێمی کوردستان ڕایگەیاند، "لیستی ناوی ئەو پەنابەرانەی لەگرتوخانەکانی تورکیادا زیندانی کراون و فیدراسیۆنی پەنابەرانیش، بەھاوکاریی دەزگای کۆچ و کۆچبەرانی تورکیا و باڵیۆزخانەی عێراق، کاروباری یاسایی بۆ تەواوکردون و لەداھاتویێکی نزیکدا ڕەوانەی عێراق دەکرێنەوە".
ناوبراو وتیشی:"بەشێک لەم پەنابەرانە چەند مانگێکە لەگرتوخانەکانی تورکیادا زیندانی کراون و ڕووبەڕووی بارێکی ناھەموار بوونەتەوە و لەبارودۆخێکی خراپدا بوون، ئێستاش فیدراسیۆنی پەنابەران مامەڵەی یاسایی بۆ تەواو کردوون و دەگەڕێنرێنەوە خاکی وڵات".
لەبارەی ژمارەی پەنابەرەکانیش ئاری جەلال تەئکیدی کردەوە، "٥٥ پەنابەرن و ناوەکانیان لە لیستێکدا بڵاو کراوەتەوە".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران