پەیامی هاوخەمیی ئاژانسی کوردپرێس بەبۆنەی ڕووداوی هاتوچۆ لە شاری سنە
بەشی کوردستان- هەواڵی تەقینەوەی پاسی موسافرهەڵگر لە شاری سنە دڵی هەموو هاووڵاتییانی خەمبار کرد و ئاژانسی هەواڵی کوردپرێس بەو بۆنەوە سەرەخۆشی لە ماڵباتی قوربانییانی ڕووداوەکە و جەماوەری کوردستان دەکات.
کوردپرێس:
ڕووداوی شەوی ڕابردووی شاری سنە و گیان لە دەستدانی هاووڵاتییانی کوردمان ئازەیتباری کردین. بەناوی ئاژانسی هەواڵی کوردپرێسەوە وەکوو ئەندامێکی بنەماڵەی کوردستانییەکان ئازیەتیی ئەو کارەساتە دەگێڕین و خۆمان بە شەریکی خەم و کەسەری بنەماڵەی خوالێخۆشبووان دەزانین.
بە ناوی خۆمان و جەماوەری کوردستانەوە سەرەخۆشی لە بەجێماوان و کەس و کاری خوالێخۆشبووان دەکەین و لای خودای پەروەردگار داواکارین سەبریان پێ عەتا بفەرمێت و خودا لە کۆچکردووانیش خۆش بێت و ئاواتەخوازین جەماوەری کوردستان جارێکی تر کارەساتی وایان بەسەردا نەیەتەوە.
بۆچوونی بەکارهێنەران