ژمارەی تووشبووانی کۆرۆنا لە تورکیا گەیشتە 18 کەس
بەشی تورکیا- وەزیری تەندروستیی تورکیا ڕایگەیاند ژمارەی تووشبووانی کۆرۆنا لەو وڵاتە گەیشتۆتە 18 کەس و تەواوی ئەو ھاووڵاتییانەی شەوی رابردوو لە عەمرە گەڕاونەتەوە لە ژمارەیێک بەشەناوخۆیی شارەکانی قۆنیا و ئەنقەرە کەرەنتینە کراون.
کوردپرێس:
وەزیری تەندروستی تورکیا، فەخرەددین کۆجا لەبارەی رێوشوێنەکانی رێگریکردن لە بڵاوبوونەوەی ڤایرۆسی کۆرۆنا و ئەو کەسانەی لە عەمرە گەڕاونەتەوە راگەیەنراوێکی لە تۆڕی کۆمەڵایەتی تویتەر بڵاوکردوەتەوە و نووسیویەتی "لە شەوی رابردووەوە تەواوی ئەو کەسانەی لە عەمرە گەڕاونەتەوە لە ژمارەیێک بەشەناوخۆیی شارەکانی ئەنقەرە و قۆنیا لە ژووری جیاجیادا کەرەنتینە کراون".
فەخرەددین کۆجا ئاماژەی بەوەشداوە کە ئەو کەسانەی گومانی تووشبوون بە جۆری نوێی ڤایرۆسی کۆرۆنا (COVID-١٩)یان لێکراوە لەگەڵ گەیشتنیان بە تورکیا براونەتە نەخۆشخانە بۆ ئەنجامدانی پشکنین.
کۆدی هەواڵنێر: 60101
بۆچوونی بەکارهێنەران