ویدئو
دوای وێران کردنی دامەزراوە نەوتییەکان لەلایەن تورکیاوە، کوردستانی سووریا هەوڵ بۆ هاوردەکردنی گاز لە هەرێمی کوردستانەوە دەدات
هێرشەکانی ئەم دواییەی تورکیا، دامەزراوە نەوتی و خزمەتگوزارییەکانی کوردستانی سووریای کردووەتە ئامانج، لەوانە وێستگەی غازی سوەیدییە کە ۱۰۰% لە خزمەتگوزاری دەرچووە.
صفحه ویدئویی
پلیر مستقیم
عەگید عەبدولمەجید، بەڕێوەبەری کارگەی غاز لە دامەزراوەی سوەیدییە لە گوندەواری دێریک بە نۆرس پرێسی ڕاگەیاندووە: لە پرۆسەی هاوردەکردنی غازدان بۆ دابین کردنی پێداویستییەکانی دانیشتوانی کوردستانی سووریا، گوتیشی هەوڵێک بۆ هاوردەکردنی گاز لە هەرێمی کوردستانەوە هەیە.
ناوبراو زیادی کرد بەڕێوبەریی خۆسەر لە هەموو ئاستەکان و بە هەموو توانایەکیەوە کار دەکات بۆ دەستەبەرکردنی دابین کردنی غاز و ئاماژەی بەوەش کرد خواست لەسەر غازی ماڵان زۆر زیادی کردووە.
عەگید عەبدولمەجید ڕوونیشی کردەوە، "لە نەبوونی کارمەند و کەرەستە و بەردەوامیی هەڕەشەکانی تورکیا و بەردەوامی لابردنی شوێنەواری ئەو وێرانکارییەی بەسەر کارگەکەدا هاتووە، ڕووبەڕووی گرفتی گەورە دەبینەوە"، کە هەموو ئەمانە رێگرن لەبەردەم خێراکردنی نۆژەنکردنەوەی وێستگەکەدا.
دیدگاه کاربران