دوو ژنە بەرپرسی ئیدارەی خۆسەر لە حەسەکە کوژران
بەشی سووریا- دوو ژنە بەرپرسی ئیدارەی خۆسەر لە کوردستانی سووریا پاش رفاندنیان لەلایەن چەکدارانی نەناسراوەوە کوژران.
کوردپرێس: میدیاکانی کوردستانی سووریا بڵاویان کردەوە، لە شارۆچکەی دەشیشە لە ریفی حەسەکە تەرمی دوو ژن دۆزراونەتەوە، کە یەکێکیان سەعدە فەیسەڵ ھاوسەرۆکی ئەنجومەنی مەدەنیە لە شارۆچکەی تەلشایەر لە باشووری حەسەکە و ئەوەی دیکەیان ھند لەتیفی جێگریەتی.
ئەنجومەنی مەدەنی ناوچەی حەسەکەش لە راگەیەندراوێکدا ئیدانەی ئەو کردەوەیەی کردووە و ئاماژەی بەوەش کردووە، ئەو جۆرە کردەوانە ئامانج لێی تێکدانی ئاسایشی ناوچەکە و بڵاوکردنەوەی ترس و تۆقاندنە لەناو خەڵکی ناوچەکە باسی لەوەش کردووە، ئەو کردەوانە بەپلەی یەک ئافرەتان دەکاتە ئامانج و گومانیشیان لە چەکدارانی داعشە کە ئەو کارەیان کردبێت.
باسی لەوەش کردووە، ئەو دوو بەرپرسەی خۆسەر پاش چەند کاتژمێرێک لە ڕفاندن لەلایەن چەکدارانی نەناسراوەوە کوژراون و لە شارۆچکەی دەشیشە تەرمەکانیان دۆزراوەتەوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران