خبر
2023-02-01 05:01
کاتی خوێندنەوە: 1 خولەک
★
—
(0)
قوباد تاڵەبانی گەیشتە بەغدا و زنجیرەیەک کۆبوونەوەی لەگەڵ بەرپرسانی عێراقی ئەنجامدا
بەشی عێراق و هەرێمی کوردستان- دوای سەردانەکەی سەرۆکی حکوومەت بۆ بەغدا، جێگری سەرۆکی حکوومەتیش سەردانی بەغدای کرد و لەگەڵ بەرپرسانی باڵای عێراق کۆ بوویەوە.
بەپێی هەواڵی کوردپرێس، قوباد تاڵەبانی جێگری سەرۆکی حکوومەتی هەرێم گەیشتە بەغدا و لەگەڵ لەتیف ڕەشید سەرۆککۆماری عێراق و محەمەد شیاع سوودانی، سەرۆکوەزیرانی عێراق کۆ بوویەوە.
بەگوێرەی ڕاگەیەنراوی نووسینگەی سوودانی، لە کۆبوونەوەی سەرۆکوەزیرانی عێراق و جێگری سەرۆکی حکوومەتی هەرێمدا، جەخت کراوەتەوە لەسەر بەردەوامیی هەماهەنگییەکانی نێوان حکوومەتی ناوەند و هەرێمی کوردستان.
هەروەها، گفتوگۆ لەبارەی چارەسەرکردنی کێشەکان کرا کە ببێتە هۆی بەهێزکردنی سەقامگیریی و بەدیهێنانی بەرژەوەندییە گشتییەکانی وڵات.
سەردانی قوباد تاڵەبانی بۆ بەغدا و کۆبوونەوەی لەگەڵ بەرپرسانی باڵای عێراق لەکاتێکدایە، کە 11ی ئەم مانگە مەسروور بارزانی سەرۆکوەزیرانی هەرێمی کوردستان بە سەرۆکایەتی شاندێکی حکوومی سەردانی بەغدای کرد و لەگەڵ هەرسێ سەرۆکایەتییەکەی عێراق کۆ بووەوە.
بۆچوونی بەکارهێنەران