نوێنەری کورد لە پەرلەمانی عێراق:
بەغدا لەژێر مەترسیی سزا ئابوورییەکانی واشنتۆندایە
بەشی عێراق و هەرێمی کوردستان- نوێنەری کوردی پەرلەمانی عێراق، شکستهێنانیی بەڕێوەبەرایەتیی بانکی ناوەندیی وڵاتەکەی بۆ کنترۆڵ کردنی نرخی دۆڵار ڕاگەیاند و وتیشی عێراق مەترسیی سزا ئابوورییەکانی ئەمریکاشی لەسەرە.
بەپێی هەواڵی کۆردپرێس، ئاژانسی "العراق الیوم" بڵاوی کردەوە ماجید شنگالی لە کۆبوونەوەیەکی ڕۆژنامەوانیدا ڕایگەیاندووە: بانکی ناوەندیی عێراق بەهۆی فراوانبوونی سپیکردنەوەی پارە و گواستنەوەی نایاسایی پارە بۆ حسابی هەندێک لایەن و پێدانی 2 ملیار دۆلار وەک قەرز بە ئێران، لە سیاسەتی داراییدا شکستی هێنا و ئەمەش ڕەنگە بەغدا بخاتەژێر مەترسیی سزاکانی حکوومەتی ئەمریکاوە.
شنگالی ئاماژەی بەوەش کرد، بانکی ناوەندیی عێراق بەهۆی قاچاخچێتی دراو و هەوڵی سپیکردنەوەی پارەوە لەلایەن حکوومەتی ئەمریکاوە چالاکییەکانی سنووردار کراون.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران