لقێکی ژووری بازرگانی لە قەسرشیرین کرایەوە
بەشی کرماشان- لقێکی ژووری بازرگانیی کرماشان لە شاری قەسرشیرین کرایەوە و لە ڕێوڕەسمی کرانەوەکەشدا کۆمەڵێک هەڵسووڕاوی بازرگانی و بواری هەناردەکردن بەشدارییان کرد.
کوردپرێس:
کەیوان کاشفی سەرۆکی ژووری بازرگانیی کرماشان لە ڕێوڕەسمی کرانەوەی لقی ژووری بازرگانیی کرماشان کە بە بەشداریی نوێنەری شاری قەسر و سەرپێڵ زەهاو و گێڵانغەرب لە پەرلەمانی ئێران و ژمارەیێک لە هەڵسووڕاواغنی بازرگانی و بواری هەناردەکردن بەڕێوە چوو ڕایگەیاند بە مۆڵەتی فەرمیی ژووری بازرگانیی ئێران ئەو لقە دەکرێتەوە.
سەرۆکی ژووری بازرگانیی کرماشان ئاماژەی بە ئەو هەل و توانا ئابووری و بازرگانییانە کرد کە لە قەسر شیرین ڕەخساوە و گوتیشی تواناکان هۆکاری سەرەکین بۆ دامەزراندنی ئەو لقەی ژووری بازرگانی.
کاشفی زیادیشی کرد: قەسرشیرین بە هۆی توانا ئابووری و بازرگانییەکەیەوە لە داهاتوودا دەبێتە جەمسەرێکی بازرگانی و ئابووریی پارێزگای کرماشان.
بۆچوونی بەکارهێنەران