وتەبێژی وەزارەتی دەرەوەی ئێران:
ئێران مۆڵەت نادات سنوورەکانی لەلایەن گرووپە تیرۆریستییەکانەوە زیانی بەرکەوێت
بەشی ئێران- وتەبێژی وەزارەتی دەرەوەی ئێران دەڵێت: ئێران تەحەمول ناکات سنوورەکانی لەلایەن گرووپە تیرۆریستییەکانەوە زیانی لێبکەوێت.
بەپێی هەواڵی کوردپرێس، سەعید خەتیب زادە وتەبێژی وەزارەتی دەرەوەی ئێران لەبارەی هەڵمەتەکانی ئەمدواییەی ئێران لە باکووری عێراق ڕایگەیاند: ئەم هەڵمەتە وەڵامێکە بۆ هێرشە یەک لەدوای یەکەکانی گرووپە بەرهەڵستکارەکانی ئێران لە نزیکیی سنوورەکاندا کە بوو بەهۆی شەهید بوونی ژمارەیێک لە سنوورەوانەکانی وڵات.
خەتیب زادە لە وێبینارێکی ڕۆژنامەوانیدا وتیشی: لە دانیشتنە فەرمییەکانماندا لەگەڵ بەرپرسانی عێراقی چەندین جار وەبیرییانمان هێناوەتەوە کە خاکی عێراق دەبێت لەلایەن گرووپە تیرۆریستییەکانەوە قۆستنەوەی لێنەکرێت.
ناوبراو جەختی کردەوە: ئێران باوەشی بۆ ئەوانە دەکاتەوە کە پەشیوان دەبنەوە و بۆ داوێنی کۆماری ئیسلامی دەگەڕێنەوە. ڕاسپاردەی ئێمە ئەوەیە کە وڵات شوێنێکی ئەمنترە بۆ ئەوانەی قۆستنەوەیەان لێکراوە.
بۆچوونی بەکارهێنەران