ئەمریکا پاڵپشتی بۆ دانوستانی کوردانی سووریا دووپات دەکاتەوە
بەشی سووریا- وەزارەتی دەرەوەی ئەمریکا پاڵپشتیی خۆی دووپات کردەوە، بۆ دانوستانی کوردی-کوردی لە کوردستانی سووریا.
کوردپرێس:
دەستەی سەرۆکایەتیی ئەنجومەنی نیشتمانیی کوردی لە سووریا ڕۆژی چوارشەممە 8ی ئەیلوولی 2021 لە ڕاگەیەندراوێکدا ئاشکرای کرد، ئەنجومەنەکەیان لەگەڵ جۆی هود، یاریدەدەری وەزیری دەروەی ئەمریکا و بەرپرسانی دیکەی وەزارەتی دەروەی ئەو وڵاتە پەیوەست بە دۆخی سووریا کۆ بوونەتەوە.
لەو کۆبوونەوەیەدا لایەنی ئەمریکی پاڵپشتیی خۆیان بۆ دانوستان و گەیشتنە ڕێککەوتنی حزبە کوردییەکانی سووریا نیشان داوە، هاوکات بەرپرسانی ئەمریکا وتوویانە "بە گرنگییەوە لەو پرسە دەڕوانین و چاودێریی دەکەین".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران