لە ماوەی 8 مانگدا ٦٩ کەس لە کەمپی هۆڵ کوژراون
بەپێی هەواڵی کوردپرێ، مارتن گریفتس یاریدەدەری سکرتێری گشتیی نەتەوەیەکگرتووەکان بۆ کاروباری مرۆیی رایگەیاند، کێشە ئەمنییەکانی نێو کەمپی هۆڵ بەردەوامە و لە مانگەکانی حوزەیران و تەمموزدا توندوتیژی زیادیکردووە و لە مانگی کانوونی دووەمەوە تاوەکوو ئێستا کوژرانی ٦٩ کەس تۆمارکراوە و هەوڵی کوشتی ١٢ کەسی دیکە دراوە.
لەلای خۆیەوە گێر پیدەرسن نێردەی تایبەتی نەتەوەیەکگرتووەکان بۆ سووریا، ھۆشداریی لە دووبارە زیادبوونی پێکدادان و بۆردوومانی قورس لە باشووری رۆژئاوای سووریا بە تایبەتی لە دەرعا دا و داوای لە لایەنەکان کرد دەستبەجێ کۆتایی بەو توندوتیژییە بھێنن لەبەر ئەم ھۆیەش پێویست بە پێواژوویێکی سیاسیی متمانە پێکراو و ھەماھەنگییەکی نێودەوڵەتیی بەردەوام ھەیە.
کەپمی هوڵ لە سووریایە و لە ژێر دەسەڵاتی چەکدارانی یەپەگە و پەکەکەدایە، هاوکات ئەو کەمپە ٥٩ هەزار کەسی تێدا دەژی.
سەرچاوە: NRT
کۆدی هەواڵنێر: 60113
بۆچوونی بەکارهێنەران