داهاتی گومرگی لە ئازەربایجانی ڕۆژئاوا 40 لە سەد زیادی کردووە
بەشی ئازەربایجانی ڕۆژئاوا- بەڕێوەبەری گومرگەکانی ئازەربایجانی ڕۆژئاوا لە لێدوانێکدا ڕایگەیاند لە ماوەی سێ مانگی ڕابردوودا داهاتی گومرگەکانی ئەو پارێزگایە سەدا 40 زیادی کردووە.
کوردپرێس:
تەوحید ئازەربود لە پرێس کۆنفڕانسێکیدا ڕایگەیاند لە ماوەی 3 مانگی ڕابردوودا بە ڕێژەی 399 هەزار و 468 تەن کاڵا لە پارێزگای ئازەربایجانی ڕۆژئاواوە دەرکراوە کە بەهای ئەو ڕێژە هەناردەکراوە دەگاتە 242 ملوێن دۆلار و ئەوەش بەراورد بە ماوەی هاوشێوەی ساڵی ڕابردوو سەدا 40 بەرزبوونەوەی بە خۆوە بینیوە.
ناوبراو گوتیشی لەو ڕێژەیە 253 هەزار تەن لە ڕێگای گومرگەکانەوە و 146 هەزار تەن لە ڕێگای بازاڕچە سنوورییەکانەوە ئەنجام دراوە.
ئازەبود ئاماژەی بەوەش کرد کە ڕێژەی کاڵای هاوردەکراو لە سێ مانگی ڕابردوودا 133 هەزار و 287 تەن کاڵا بووە کە بەهاکەی دەگاتە 252 ملوێن دۆلار.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران